قراءة لرواية عشيقات النّذل كمال الرياحي

قراءة لرواية عشيقات النّذل للروائي التونسي كمال الرياحي / نور جمال عبد الحميد 

الخروج عن المألوف يبدأ بنا نحنُ الذين لا نملك سوى حق ان نحب أحدهم في الخيال.

هذة الرواية تشبه الفأس الذي حطم رؤوس قواعد الكتابة و الروايات، 

رواية لا تشبه الا نفسها،

حيث تدخل في عمق الحياة التي يسكنها من يصطنعون الحياة الملائكية في الورق،

 الحياة التي نطمح نحن التعساء ان نتسلق السفح التي يقفون عليها هولاء البشر،

و عليك ان تعلم أنت يا من تقرأ ان للجميع سواء كان شاعر او كاتب او روائي أو فنان او مطرب و محامي و طبيب .. الخ الخ، حياة تشبه حياتنا جميعا تجمع بين الخير و الشر الحب و الكراهية التسامح و الأنتقام 

لا وجود للملائكة في هذا الوقت . 

الرواية في 192 صفحة من القطع المتوسط.

و أخيرا أن من قتل سارة هن "عشيقات النذل" لا أحد أخر.

هذه هي التجربة الثالثة لكمال الرياحي مع دار الساقي والثانية في تعاملها مع الأدب المغاربي المكتوب بالعربية بعد تجربة محمد شكري، وهذا النجاح هو ما سيفتح المجال لحضور أهم للأدباء المغاربة في المشهد الروائي العربي

قصة بين الهجرة و الوطن

قصة مغرد عراقي في موقع التويتر

أحمد ناظم يتكلم :

يبدأ من بغداد /  

قبل لا اطلع من بغداد اتفقت وية واحد يطلعني ع البحر من تركيا لليونان اذا چوب

نفخ ب١٠ ورقات واذا يخت سياحي ب ٢٠ ورقة

اني اتفقت على اليخت لان بالچوب احتمال يعطل المحرك بنص البحر احتمال تغرگ احتمال ينشگ الچوب اكو ولد طلع ٨ مرات بالچوب وما وصل لليونان

واكو ٣ مرات وما وصلوا واكو من اول مرة يوصلون شغلة حظ يعني حسب كلامهم اليخت تعتبر رحلة سياحية بالنسبة للچوب النفخ وخطورتة

طرت من بغداد بقيت بإسطنبول ٣ ايام طلعت لمنطقة ١٢ ساعة بالباص اسمهة مرمريز هم بقيت بيهة ٣ ايام ننتظر اليخت شوكت يجي

اجانة خبر ساعة ٨ المغرب انه نتحظر راح نطلع فكل واحد اخذ وياه نساتل وكيك و٣ بطالة مي للطريق صارت ساعة ١٢ طبگت سيارة بوكس بفرع

احنة ٩ ركض صعدنا بالبوكس المغلق وبقة يفتر ويصعد ناس لحد ما صارت ناس فوگ ناس كتل وزواع وماكو نفس وحتى مجال توگف ماكو عراقيين سورين افغان

بقة يفتر بينة ٣ ساعات لحد ما وصلنة لل”نقطة” نزلنة عبالنة نلگة اليخت لگينة جبل كلش عالي گبالنا گالونا يالله اصعدوا الجبل وچانت ظلمة كلش

والجبل كلة صخور متحركة يعني اذا متدير بال احتمال تنلوي رجلك او توگع تنكسر واذا ما تركض المهربچي يشبعك كفخات ٤٥ دقيقة صعدنا بگطعان النفس

النزلة اصعب ويانة نسوان كبار وجهال بس كلمن يگول يا روحي اجو يلزمونة خفر السواحل التركي لان يدرون هاي نقطة عبور بس ختلنا وخلصنا منهم

وصلنا للساحل بعد ساعة ونص ع الجبل صعدنة باليخت حوالي ٥٠ واحد غرف صغيرة جوة وفوگ بنات روسيات بالبكيني عود يخت سياحي مو تهريب

الرحلة ٦ ساعات اني نص ساعة وما تحملت زوعت وتخربطت ونمت ٥ ساعات ونص گعدوني گلولي انزل وصلنة ههههههه

نزلونة ع جزيرة اسمهة كالتي ساعة ١٢ الظهر خابرنة خفر السواحل وبقينة ننتظر للساعة ٤ ومحد اجانة ومحد جايب مي بس مجموعتنة والمي خلص

قررنا نصعد الجبال للطرف الثاني مال جزيرة لان شفنة اكو قرية عال جي بي اس بس جبال كلش عالية وما عدنة مي وهواي عوائل ويانة

احنة تسلقنا بقوا العائلة الافغانية لان مرتة حامل وخلال ساعة بدة العطش وصار ألمي أغلى من الذهب شفنة مي مال راعي غنم مال طليان شربنة منة هههه

ورة ساعة ونص من التسلق اجونة الشرطة اليونانية جايبين وياهم مي ومن سمعوا اكو اطفال جوة ومرية حامل تخبلوا نزلوا عليهم ركض

همة بأيدهم صعدوا الأطفال وحسبونة وسإلونة شلون اجينة گلنالهم ما نعرف دنية ظلمة جانت وكلشي مشفنة

بقينة نتسلق وياهم بس مو مهم لان جابولنة مي لحد ساعة ٧ وصلنا لكنيسة بقينة بيهة ساعة زمان وصعدنة بسيارات ودونة لمدرسة بالمدينة

جابولنة فراش وأهل المدينة الصغيرة من كل بيت جابوا اكل وسوولنة عشا ووكلونة طبعا بدون منية وكلش متقهقرين علينة

واحد ابو بطن ويانة گال مشتهي ببسي ولد شاب يوناني راح جابلنة ببسي على حسابة واجة

انطونة الخارطيات وطلعنة بسفينة لجزيرة اسمهة رودس لازم ننتظر بيهة لثاني يوم تجي عبارة ١٢ ساعة بالبحر لاثينا

نمنة بالحديقة بالشارع گمنة نتغطى بالكراتين من البرد والصبح رحنة جبنة ريوگ وشفنة فرن صمون اني و٣ ولد اشتريت منة صمون وگعدوا ناكل ع الرصيف

طلع ابو الفرن شافنة كالكلاب السائبة ظل يدگ على راسة ويلطم ودمعت عينة گال انتظروني ثواني دخل جابلنة جبن وكومة صمون ونص الفرن انطانياه ههههه

صعدنة بالعبارة النفر ٦٥€  احنة اللاجئين الصعدنة ٥٠ واحد بس ورة ٣ ساعات وصلنة لجزيرة كويس وشفنة ظيم وظلايم

٥٠٠٠ الاف عراقي وسوري منتظرين العبارة صارلهم اسبوع نايمين بالشارع ومحد يقبل يفوتهم للحمام يعني اذا تريد تروح للتواليت تفوت للبحر وتعملهة ههه

صعدوا نص والعبارة قبطت وبقوا نص طبعا الريحة مال عفونة والوصخ صار بفلس حتى بوگ صار موبايلات محافظات نعالات كلشي ينباگ

ورة ساعتين من كويس وحدة حامل صار عدهة ولادة هههه فر الباخرة ورجع نزلناهة وطلعنا اخرتنا ٣ ساعات

وصلنا لاثنا طبعا اذا احلفلكم بغداد احلى من اثنا بمليون تالاف مرة مدينة كلش قذرة اول مرة اشوف مدينة كلهة ريحة خرة

نزلنا من الباخرة بقينة يوم بأثينا صعدنة باص ٦ ساعات من اثنا لمدينة حدودية اسمهة سالونيك على حدود مقدونيا ومناك تكسي ذبنة اخر نقطة باليونان

مشينة وية گروب كلهم سوريين على الحدود ٣ ساعات من اليونان دخلنة مقدونيا محد تعرضلنا وصلنة محطة القطارت ساعة ٥ الصبح 

حوالي ٣٠٠٠ واحد عراقيين سوريين افغان ايرانيين باكستانيين بنغلادش كلهة منتظرة القطار كل ٤ ساعات ويصعدون بس ٥٠ واحد بس ههههه

طبعا الشرطة المقدونية اكبر چلاب أيدهم والدونكي ابد ما يتفاهمون

شفنة الشغلة مكيسة واذا تريد تصعد باص لازم تاخذ خارطية يالله

من ٩ الصبح لل ٥ العصر يالله حصلنة خارطية طبعاً فتنة مرحلة حرجة متگدر تاكل اي شي بي لحم فاني خلصتهة نساتل وچبس

صعدنة باص من المحطة ب٢٢€ نزلنا على الحدود المقدونية الصربية اول منزلنا اجت سيارة جيش مقدوني دولنة على الطريق شلون نفوت لصربيا

ساعتين بالغابة وصلنة ساعة ١٠ بالليل  بدون اي عوائق لگينة الجيش الصربي واگف گال باتوا هنا وباچر ب ٩ الصبح ندخلكم لصربيا

بطرگ القميص درجة الحرارة ١٦ غابة الگاع رطبة نمت اجيف نومة بحياتي عظامي تكسرت من البرد گمنة نحرگ كواغد بس نريد ندفة بس نريد الصبح يطّلع

ساعة ٩ الصبح فوتونة الجيش لگينة باصات تنتظرنا ببلاش لمخيم اللاجئين علمود ننتظر يومين ونحصل خارطية گدرنا بنفس اللحظة نعوف الخارطية ونطلع

ب٤٥€ بباص وصلنا لبلغراد ٥ ساعات رحنة لبيت واحد مهربجي بقيت يمة يوم نمت بفراش دافي ارتاحيت شوية اكلت اكل بي خير غير السنيكرز

ثاني يوم رحت اشتريت قمصلة وبدلت حذائي وطلعنة من بلغراد لحدود الصربية الهنغارية وصلنا لمعمل مهجور بقينة بايتين بي يومين

اجونة ناس جابولنة اكل واحد جاي من سلوفينيا علمود يعرف اكو مهاجرين هنا قطع ٥٠٠ كيلوا بيوم احازتة بس علمود يسوي هيج

وهم رجال چبير جاب سيارة كاملة خبز وبيض ومكاين حلاقة وفرچ أسنان وصابون

اجانة المهرب باكستاني طلعنة بباص نزلنة ع الحدود ومشينة ٣ ساعات لحد ما وصلنا للسياج مال حدود هنغاريا بقينة نحاول نعبر السياج يوم نص

شرطي حرامي نركض ويركضون ورانة طبعا اكل ماكو نگطع عرموط وناكل تصير بطنك سهال تحفر حفرة تخري وتطمهة حالنة حال الزمايل ههههه

اخير راح يمكن المهرب اتفق وية الشرطة مال هنغاريا ورة ساعة ونص عبرنا ركض بوجهك للغابة لحد ما ابتعدنا شوية وصرنا بعيدين ع السياج ساعة ٢ الظهر

بقينة بالغابة خاتلين لحد ما صارت ساعة ٨ وغربت طلعنة نمشي بحذر لحد ساعة ٩ وصلنة للنقطة بقينة ننتظر اجتنة سيارة بوكس صعدنة بيهة ٣ ساعات

دخلنا للنمسا ورة ربع ساعة من نزلنا لا عدنا نت ولا جي بي اس ومنعرف فيينا بالألماني تنكتب wine هيج شي يمكن تهنة وكل واحد ينطي رأي شكل

طبگت علينة سيارة شرطة كرفتنا كلنا بس اني وبعد ولد من ديالى گدرنا نشرد بقينة خاتلين بمزرعة مال ذرة يومين لا اكل ولا شرب ندور تكسي بالختلة

اخير شي طلعنة كتلنا الجوع والوصخ والتراب گلنة اذا لزمونة خلي يلزمونة ومشينة ساعة وصلنة محطة القطار صعدنة تكسي ١٣٠€ لڤيينا

وصلنا للمركز الاسلامي بوسط ڤيينا اكو جامع دخلنا نغسل بي طلعنة الشيخ طردنا تعارك ويانة ما قبل يفوتنا عدل بدل يمعود ولا قبل

باستغراب وتعجب وصفنات طلعنة من الجامع واحد من الأنبار يگلة *** اختك هسة اروح للكنيسة حتى فندق يگعدوني

إجاني نسيبي أخذني للبيت بس شنو صارلي ١٠ ايام مسابح ولا ماكل شي الوصخ يقرة الف متروس طين وتراب وشغلات مدري شني ما شنو

بس والله التعب والظيم كلة يروح من واحد يشوف ڤيينا

اغلب العراقيين يرحون يا بلجيكا لو فنلندا تبقة عندك بس عقبة ألمانيا وتوصل بسلام وكان الله يحب المسلمين

قراءة لرواية الفتيت المبعثر / محسن الرملي

) قراءة لرواية الفتيت المبعثر للكاتب و الروائي محسن الرملي )

نور جمال عبد الحميد 

الشعب المبعثر او عفوا الفتيت المبعثر

ليست مجرد رواية هي وطن مصغر يشبه هذا الوطن الملعون الذي يخرجنا نحن المبعثرين من أرحام أمهاتنا للــ ( ظيم ) و القهر و الحرب و الذل و للعيش تحت خط الفقر و تحت خط الرجال الذين لا يمتلكون من الوطن سوى كرسي يضعونا تحته،  

ثم يعيدنا لرحم الأرض، الرحم الأكثر جوعا فتكآ بأولادِه .

الوطن المصغر الذي يتمثل بعجيل و اولاده السبعه

أحمد المتفوق، عبود الذي يشبه الذيب، قاسم الفنان مرهف الحس الهارب من الجيش الذي يكره الحروب و يكره الحاكم المجرم و مغرم بوطنه أسوة بأبيه و جده، عبد الواحد اكثر أخوتهِ حساسية تجاه الآخرين ، و سعدي ، و محمود المنسي الذي ان غاب لا يذكر و اذا وجد لا يعد، و وردة التي تشبه عيون المدينة و جمالها . 

 السنة و الشيعة و المسيح و الصابئة و المندائيين و جميع المبعثرون في هذا الوطن يشبهون عجيل و عائلتهُ و زوجته حسيبة المرأة سليطة اللسان و اولادهم السبع،

من يختلف فقط هو الحاكم الذي يجلس على الكرسي.  

و في النهاية 

- هذة الرواية كما يقول عجيل ( #نشنن ) 

-  أتمنى ان يرجع ذلك الصبي ليقول لوردة بعد تعلمه الجغرافيا ( أنتِ أجمل بنت في الشرق .. بل وفي العالم كله ) 

- لماذا نسأل : من أين تؤكل تفاحة الحياة؟ ... و من أين سنمسك القُنفذ ؟ 

ترجمت الرواية الى الإسبانية و الإنكليزية و حازت الرواية على جائزة أركنسا الأمريكية لعام 2002 و تم تدريسها في العديد من الجامعات كجامعة ميشيغان و هارفرد الأمريكيتين و القاضي عياض المغربية و جامعة لندن . 

لقراءة الرواية pdf /

http://www.mediafire.com/?0543y7d45xjhus6

كتاب الأعمال الأدبيه / ليناردو دافينشي

طُرفة :

سئل رسام مرة لِم هم أطفالهُ قبيحون للغاية مع أنة يصنع صورآ رائِعة الجمال ما هي في النهاية إلا جمادات ميته؛ 

فأجاب الرسام عن ذلك بأن لوحاتهِ يصنعها في النهار ، أما أطفاله فيصنعهم في الليل !!

من أجمل الكتب الي تجمع شذرات فكرية و خرافات و نبوءات و طرف و استهلالات و الكثير من الأعمال الأدبيه للفنان العظيم #لينارد_دافنشي 

لقِراءة الكتاب pdf /

https://docs.google.com/file/d/0BzrXHZlDTwY0UjVidzZEX2RmaG8/edit

حفار القبور "أنفجار سوق العلوة - بغداد" / نور جمال

حفارُ القبورِ 

الذي يشبِهُنا جميعاً كانّ يتابعُ نشرةَ الأخبارِ بعدّ أنْ شربَ كوباً من الشاي وسيجار من تبغ ملفوف

 حتى أُعلِنّ خبراً عاجلاً

أستشهادُ أكثر من مئةِ بذرةِ حنطةٍ كانتْ مزروعةً في أرضِ المكاريد ، 

حينها أطلقَ (عفطه) طويلةً كانتْ كافيةً لصحوة موتى كانوا 

قد سكنوا المقبرة من أخرِ أنفجارٍ حَصَلَ في هذهِ الأرض ليستقبلوا الضيوفَ الجُدد و يقوموا بالواجبِ 

كما يلقى من يفجرُ السيارةَ بـكرمٍ بـاذخٍ يحسدُ عليه ..

حفارُ القبورِ هو الرابحُ الوحيدُ في هذهِ المأساة وكأنها ملهاة لهُ

على مرِّ حقبِ الموت بأشنعِ الصور

سيجني الكثيرَ من المالِ 

 كما جنى سلفاً 

فمن ماتَ بأنفجارٍ 

سيموتون صِغارهِ من الجوع ...

#نور_جمال

13 / 8 / 2015 / صباح أنفجار سوق العلوة - بغداد

سرطان الثدي صداع النساء في العراق

#سرطان_الأكثر تهديدآ لحياة النساء في العراق !

وإذا كانت 90% منها أورام حميدة إلا أن 15% من أورام الثدي هي أورام خبيثة سرطان .

ساعديني يا صديقتي لنحطم الكابوس الذي يهدد حياة النساء

- حسنآ ستسأليني كيف ؟ 

سأقول لكِ بالكشف المبكر عنه ! 

- و كيف نكشف عليه مبكرآ ؟ 

أولآ /

المواظبة على الفحص الذاتي على الثدي شهريا بعد تخطي سن العشرين بين اليوم السابع والعاشر من الدورة الشهرية وذلك عندما يكون الثدي أقل احتقانا أو في نفس اليوم من كل شهر في حال انقطاع الطمث. بذلك تكون الفتاة أو السيدة على علم بطبيعة ثديها وبالتالي يسهل عليها معرفة أي تغيرات تطرأ على ثديها عند فحصها له واستشارة الطبيب بناءا على ذلك .

ثانيآ /

زيارة الطبيب لفحص الثدي الإكلينيكي: السيدات في سن العشرينات والثلاثينات يجب أن يجرين هذا الفحص  على يد مختص كل ثلاث سنوات. أما من سن الأربعين وما فوق يجب إجراء هذا الفحص سنويا ويفضل أن يكون ذلك قبل عمل الماموجرام .

ثالثآ /

إجراء فحص بانتظام بالأشعة (الماموجرام) في سن الأربعين كل سنة أو سنتين، وسنويا من سن الخمسين فأكثر. وفي حال وجود إصابة لدى أحد أفراد العائلة عليك أن تبدئي قبل 10 سنوات من عمر المصابة في عائلتك.

اعراض سرطان الثدي، تشمل:

• افراز مادة شفافة او مشابهة للدم من الحلمة، يظهر، احيانا، مع ظهور الورم في الثدي
• تراجع الحلمة او تسننها
•  تغير حجم او ملامح الثدي
•  تسطـح او تسنن الجلد الذي يغطي الثدي
•  ظهور احمرار او ما يشبه الجلد المجعد على سطح الثدي، مثل قشرة البرتقال.                                                

المعلومات المتوفرة الأن ان سرطان الثدي لوحده شكل تزايدا ملحوظا في الاونة الاخيرة في العراق

 بمعدل الأصابات تبلغ 18 ألف أصابة و فحسب تقارير حكومية ان 123 امرأة لكل 100 الف مصابة بسرطان الثدي والعدد ازداد الى 146 امرأة لكل 100 الف مواطنة عراقية وهذه الارقام معتمدة على من سجل وفتح اضبارة واستلم حصة دواء الكيمياوي. 

تابعي الفديو / 

http://youtu.be/Jn03zVcsAGo

و في النهاية /

ما أضيق العيش لولا فسحه الأمل

أتمنى للجميع صحه جيدة و خالية من الأمراض .

رحيل أخر إله للشعراء

بتاريخ الـيـوم 

9 / 8 /2008

أرتسم الياسمين بهيئه قصائد 

ليرحل مع ما تبقى من بروة 

بعيدآ بعيدآ

 كيف للعصافير ان تموت في الجليل ؟ 

و كيف لا تعتذر عما فعلت ؟

كيف لها ان تبقى

 عصافير بلا أجنحه ؟ 

و في حضره الغياب

ما بال أثر الفراشه ؟

و في حاله الحصار

 كيف يترك الحصان وحيدآ ؟

كيف لجندي يحلم بالزنابق

 كزهر اللوز أو أبعد

أن لا يكتب شيئآ عن الوطن

حتى و أن كان في إخر النهار ؟؟ 

كيف لعاشق من فلسطين أن ينتحر بصوتها ؟؟ 

ماذا هناك و ماذا يحصل ؟؟

لا شيء 

- سلامآ سلامآ

فقد مات عاشق بجرح فلسطيني 

يدعى #محمود_درويش

وداعـآ أيها الحرب أيها ألسلم 

وداعآ درويش ..... 

#الذكرى_السابعه_لرحيل_درويش

#نور_جمال 

التصميم العظيم

لقرون عديدة، ظلت الفلسفة الوسيلة المستخدمة الأفضل في الحصول على المعرفة وعلى فهم معين لما يحيطنا ،
ولكن الآن أصبحت ميتة إذا قام #العلم بإزالة الحاجة لها ..

هذا ما يعتقده #ستيفن_هوكينغ أكثر العلماء إستثنائية في عصرنا .. 

كتاب التصميم العظيم Pdf /
http://www.4shared.com/office/4tai5rYQ/__online.html?locale=ar

وثائقي التصميم العظيم / 

الحلقة الأولى 
بعنوان /
المفتاح الى الكون 
http://46.101.204.97/programs/112145005071

الحلقة الثانية
بعنوان / 
البحث عن معنى الحياة 
http://46.101.204.97/programs/112920005130

الحلقة الثالثة 
بعنوان /
هل خلق الله الكون ؟ 
http://46.101.204.97/programs/120638475284